BRZO I LAKO

Na španski način: Omlet sa krompirom

Ukusan obrok koji možete poslužiti za večeru, doručak, pa čak i ručak

8140 pregleda 1 komentar(a)
Ilustracija, Foto: Pinterest
Ilustracija, Foto: Pinterest

Da biste pripremili omlet sa krompirom ne treba vam puno vremena, niti novca. Imaćete ukusan obrok koji možete poslužiti za večeru, doručak, a ako dodate malo isjeckane pršute i sira - zašto ne i za brzinski ručak.

Sastojci:

  • 5 velikih krompira
  • 1 veća glavica luka
  • 8 jaja
  • ½ šolje maslinovog ulja
  • So

Priprema:

Oljuštite luk i krompire i isjeckajte ih na kockice. Krompir, ako vam je lakše možete i i izrendati. U velikom tiganju zagrijte ulje i dinstajte luk i krompir dok ne smekšaju. So dodajte po ukusu.

U međuvremenu, razbijte jaja i izmiješajte ih viljuškom, dodajte u krompir i dobro sve izmiješajte. Vratite tiganj na vatru i dodajte još malo ulja. Smjesu možete peći cijelu ili je podijeliti u nekoliko djelova. Pecite smjesu sve dok sa obje strane ne dobije smeđu boju, što znači da, kad je jedna strana pečena, omlet treba prevtnuti, najbolje iz pomoć tanjira na koji ćete je prebaciti i vratiti u tiganj. Kako bi se jaje bolje ispeklo, možete u toku pečenja smjesu na nekoliko mjesta ubosti viljuškom.

Preporučujemo za Vas