MUČE I ŽENE I MUŠKARCE

Dosadne su i ružne: Kako spriječiti urastanje dlačica?

Ako često imate problem s uraslim dlačicama, možda je problem u brijaču koju koristite

6998 pregleda 0 komentar(a)
Ilustracija, Foto: MedicineNet
Ilustracija, Foto: MedicineNet

Ukoliko muku mučite s uraslim dlačicama, možda se nakon ovih savjeta konačno riješite ovog problema koji mori većinu žena, ali i mnoge muškarce

Urasla dlaka je ona koja kreće da raste ispod vaše kože i ondje se zaglavi, umjesto da izađe iz pora kako bi to po pravilu trebalo da se odigra. Najčešći razlog uraslih dlačica je brijanje 'na suvo' ili čupkanje pincetom, a posljedica su bolne upale i crvene bubuljice. Muškarci se s ovim problemom susrijeću nakon brijanja vrata, a žene nakon depilacije bikini zone i nogu.

Srećom, postoji nekoliko načina koji vam mogu pomoći da uklonite te tegobe. Prvo i osnovno - nemojte ih stiskati ili čupkati (to bi moglo da dovede do infekcije, hiperpigmentacije ili trajnih ožiljaka). Urasle dlačice i bubuljice koje se od njih stvaraju obično nestanu s vremenom same od sebe, ali nekoliko je koraka koje možete preduzeti kako biste ubrzali proces, piše tportal.hr.

Urastanje dlačica možete spriječiti nježnim pilingom. Vlažnom krpom izmasirajte kožu kružnim pokretima, čime ćete osloboditi dlačice, a zatim nanesite kremu za smirivanje iritirane kože. Takođe možete sami napraviti nježni piling, koristeći sastojke koje imate kod kuće, poput šećera ili sode bikarbone pomiješane s maslinovim uljem ili medom. Ostali dostupni sastojci koji liječe urasle dlačice i smanjuju oticanje su led, ulje čajevca, aloe vera i jabukovo sirće.

Ako je problem uraslih dlačica ozbiljniji i ne možete da ga riješite sami, potražite pomoć ljekara. Dermatolog će vam vjerojatno propisati kremu za jačanje folikula dlake, poput retinoida ili će vam prepisati antibiotik ako postoji opasnost od infekcije. Takođe može sterilnim instrumentima ukloniti urasle dlačice, a u ozbiljnijim situacijama ponuditi hirurško uklanjanje urasle dlake.

Nemojte zaboraviti da je u ovom slučaju ključna prevencija. Sprječavanje uraslih dlačica počinje pravilnom rutinom brijanja, koja podrazumijeva navlaživanje i zagrijavanje kože prije brijanja, upotrebom gelova za brijanje i oštrih brijača. Odmah nakon brijanja na kožu je potrebno nanijeti hidratantnu kremu kako bi ona bila meka i kako bi oštre dlačice lakše mogle da prodru van kože.

Ako često imate problem s uraslim dlačicama, možda je problem u brijaču koju koristite. Brijači s jednim žiletom su bolja opcija jer oni s više žileta režu bliže koži i time povećavaju vjerojatnoću urastanja dlake.

Preporučujemo za Vas