Vučevićev dabl dabl u novoj pobjedi Orlanda, Mari dao 48 poena Bostonu

Junak utakmice je bio francuski reprezentativac Evan Furnie, koji je pogodio jako težak šut uz zvuk sirene za pobjedu Medžika
0 komentar(a)
Džamal Mari, Foto: Reuters
Džamal Mari, Foto: Reuters
Ažurirano: 08.12.2018. 02:57h

Nikola Vučević je novim dabl dablom doprinio novoj pobjedi Orlanda nad Klivlendom 102:100.

Naš košarkaš je za 27 minuta ubacio 14 poena i imao 10 skokova kao i dvije blokade.

Junak utakmice ipak je bio francuski reprezentativac Evan Furnie, koji je pogodio jako težak šut uz zvuk sirene za pobjedu Medžika.

Francuz se inače mučio sa šutem cijelu utakmicu, sa 5 od 15 (od čega 2 od 9 za tri poena), ali se pokazao kad je najpotrebniji.

"Imao sam poprilično loše veče i dosta promašenih otvorenih šuteva. Kad sam vidio da imam nešto više od sekunde do kraja, znao sam da mogu da napravim dribling, a ne da odmah pucam kako dobijem loptu. To su poprilično teški šutevi", kazao je Furnier.

Na kraju Furnije je dao 15 poena. U timu Orlanda ponovo je odličan bio i Aron Gordon sa 23 poena, 9 skokova i 3 asisitencije.

Klivlend nastavlja sa lošim rezultatima. 

U "post LeBron eri", Kavsi imaju skor od 1 pobjede i čak 9 poraza. Svi su očekivali pad Klivlenda, ali da niko nije očekivao da poslije 10 utakmica budu najgora ekipa lige.

U porazo od Orlanda Hil je ubacio 22 poena, Tomson 19.

Junak večer u NBA ligi je bio Džamal Mari iz Denver Nagitsa.

Plej tima iz Kolorada je brojao do 48 poena u pobjedi njegovog tima nad Bostonom od 115:107.

Mari ju je jednostavno  sve polazilo za rukom, a imao je odličnu pomoć u saigračima koji su osjetili njegov momentum.

U ćetvrtoj četvrtini Mari je ubacio 19 poena.

Nikola Jokić je tako ponovo koketirao sa tripl dablom.

Srpski košarkaš je imao 8 poena, 10 asistencija i 8 skokova.

Jokić nije uzeo previše šuteva, već je jednostavno tražio svog pleja.

Kod Bostona se istakao Kajri Irving sa 31 poenom.

Denver je sada na diobi prvog mjesta sa Golden Stejtom jer imaju 9 pobjeda i samo jedan poraz ove sezone.

Preporučujemo za Vas