Talentovana crnogorska džudistkinja Sejla Spahić nastupiće u nedjelju na Evropskom kadetskom kupu u portugalskom Faro Algarveu.
Boriće se u kategoriji do 63 kilograma, a žrijebom je odlučeno da u prvom kolu odmjeri snage sa Italijankom Emom Jazevoli.
Ako Sejla preskoči prvu prepreku, u drugoj je čeka pobjednica duela u kojem će se sastati Nesrin Zeradib iz Francuske i Marija Hove Valensija iz Španije.
Spahić je bila dio naše kadetske reprezentacije koja je prije dvije sedmice u Budvi osvojila bronzanu medalju na Balkanskom prvenstvu u Budvi, u timskoj konkurenciji.
Prije tri mjeseca na Evropskom kadetskom kupu u Poreču bila je bronzana.
Najvažnije takmičenje u ovom dijelu sezone čeka je od 29. juna do 2. jula u Gran Kanariji, koja će biti domaćin prvenstva Evrope u kadetskoj konkurenciji.
Pogledajte još:
Preuzmi aplikaciju i prati vijesti
PRATITE NAS NA
