Marez: Iz Lestera mogu samo u tri najjača kluba na svijetu

Marez, popularna "pustinjska lisica", nije naznačio koja su to tri najjača kluba, ali se pretpostavlja da su među njima španski giganti Real Madrid i Barselona.
76 pregleda 0 komentar(a)
Rijad Marez, Foto: Reuters
Rijad Marez, Foto: Reuters
Ažurirano: 17.08.2016. 14:08h

Najbolji fudbaler Premijer lige u prošloj sezoni, Rijad Marez, poručio je da bi mogao da napusti Lester samo u slučaju da stigne ponuda jednog od tri najjača kluba na svijetu.

Marez, popularna "pustinjska lisica", nije pri tom naznačio koja su to tri najjača kluba, ali se pretpostavlja da su među njima španski giganti Real Madrid i Barselona.

Među njima sigurno nije londonski Arsenal. Jer, Marez je nedavno odbio da preseli u London, iako su "tobdžije", makar po navodima engleskih medija, poslale Lesteru ponudu...

"Kada ste Brazilac sva pažnja je usmjerena na vas, dođu u madridski Real i prije nego što znaju. Za nas iz manjih fudbalskih sredina je to mnogo teže i moramo mnogo više da radimo. Igram u Premijer ligi, koja je vrhunska, nosim dres šampiona i želim što više da ostanem ovdje. Ipak, postoje tri kluba na svijetu čija ponuda bi me natjerala da dobro razmislim o odlasku", rekao je Marez za "Frans fudbal".

Lester je u prvom kolu poražen od novajlije Hala, ali je i prije početka sezone jasno da će biti nemoguća misija ponoviti prošlogodišnji uspjeh.

Ipak, "lisice" imaju druge ciljeve, a čeka ih nastup i u Ligi šampiona. Na ostanku igrača koji je prošle sezone upisao 17 golova i 11 asistencija i bio jedan od najzaslužnijih za titulu, posebno insistira trener Klaudio Ranijeri.

Marezu ističe ugovor na ljeto 2019. godine, a trenutna cijena mu se kreće između 35 i 40 miliona eura.

Bonus video: