PREDSJEDNIK MILANA SE NADA USPJEŠNOJ SEZONI

Berluskoni: Želimo Kup i treće mjesto u Seriji A

"Želimo trofej u Kupu, čekamo ga već 13 godina. Ali, mi želimo i treće mjesto, pokušaćemo da iskoristimo eventualne slabosti naših rivala", kazao je Berluskoni
0 komentar(a)
Silvio Berluskoni, Foto: Beta/AP
Silvio Berluskoni, Foto: Beta/AP
Ažurirano: 03.03.2016. 14:01h

Predsjednik Milana Silvio Berluskoni kazao je danas da je uvjeren da ekipa može na najbolji mogući način da završi turbulentnu sezonu - osvajanje Kupa Italije i trećim mjestom u Seriji A koje vodi u kvalifikacije za Ligu šampiona.

"Želimo trofej u Kupu, čekamo ga već 13 godina. Ali, mi želimo i treće mjesto, pokušaćemo da iskoristimo eventualne slabosti naših rivala", izjavio je Berluskoni.

Milan će se za trofej Kupa Italije, koji je posljednji put osvojio 2003. godine, boriti protiv šampiona Juventusa, 21. maja na Olimpijskom stadionu u Rimu.

Kada je u pitanju borba za treće mjesto u Seriji A, zadatak nije nimalo lak, pošto tim Siniše Mihajlovića 11 kola prije kraja, ima šest bodova manje od Rome i Fiorentine.