ČELSI IZGUBIO TREĆI PUT U POSLJEDNJIH PET MEČEVA

Murinjo: Nema šanse da se borimo za opstanak

3 komentar(a)
Žoze Murinjo, Foto: Beta-AP
Žoze Murinjo, Foto: Beta-AP
Ažurirano: 12.02.2019. 10:16h

Čelsi nastavlja sa očajnim rezultatima ove sezone. U subotu je poražen na svom terenu od Bornmuta (0:1) i ostao je na 14. mjestu sa 15 bodova.

Ovo je za “plavce” bio treći poraz u posljednjih pet mečeva u Premier ligi uz pobjedu i remi.

"Naš cilj prije ove utakmice bio je da sezonu završimo među četiri najbolje ekipe, ali sada moramo da razmišljati o plasmanu među prvih šest. Zabrinut sam, ali nema šanse da ćemo se boriti za opstanak”, rekao je menadžer Žoze Murinjo. 

Osim Bornmuta, sva tri boda sa “Stemford bridža” odnijeli su Kristal Palas, Sautempton i Liverpul.

“Ako naši igrači nisu sposobni da pruže maksimum svaki dan, onda je to problem. Ako se analizira utakmica po utakmica, mislim da pojedine nismo zaslužili da izgubimo”.

O subotnjem meču, Portugalac smatra da je rival došao sa ciljem samo da ne izgubi.

“Naš protivnik je mislio samo na odbranu, ali je postigao gol i to je bila čista greška sudije. Mislim da je bilo jasno igranje rukom i penal kod rezultata 0:0. Neki bi rekli da su oni igrali inteligentno, ali ustvari su oduzimali vrijeme, zvali ljekare, pili vodu kao da je u pitanju košarkaški tajm-aut”, ljutit je bio Murinjo.