Džerard: Žao mi je

U posljednjoj sezoni u dresu Liverpula, Stiven Džerard je doživio najkošmarniju utakmicu u karijeri - kapiten “redsa” je proveo samo 38 sekundi na terenu prije nego što je dobio direktan crveni karton protiv Mančester junajteda.

Legenda “Enfilda”, koja na kraju sezone ide u LA Galaksi, priznaje da je pogriješio i da je zaslužio isključenje zbog gaženja Andera Erere.

“Moram da prihvatim odluku, bila je ispravna. Ostavio sam saigrače na cjedilu. Preuzimam punu odgovornost. Ne znam šta se dogodilo, možda je to bila reakcija na prvi start Erere”, rekao je Džerard.