ODGOVOR

Kasano ne mari za krizu u Milanu: Ja sam interista!

Napadač Parme imao spreman odgovor na pitanje novinara šta misli o krizi u Milanu za koji je igrao dvije sezone
0 komentar(a)
Antonio Kasano i Mario Baloteli, Foto: Beta/AP
Antonio Kasano i Mario Baloteli, Foto: Beta/AP
Ažurirano: 16.03.2014. 19:20h

Milanov momenat u sezoni je specifičan, mnogi bi rekli da je ovaj klub u rijetko teškoj situaciji.

Tokom duela sa Parmom (2:4) navijači "rosonera" su protestovali protiv Adrijana Galijanija, nisu štedili ni pojedine fudbalere (u prvom redu Marija Balotelija), pa je italijanske novinare interesovalo šta o svemu misli Antonio Kasano, dvostruki strijelac na "San Siru" u velikoj pobjedi Parme.

Kasano je, kao što je poznato, dvije godine nosio dres Milana, a nakon toga je u trampi sa Đanpaolom Pacinijem otišao u Inter. Fantantonio je tada rekao da je konačno zaigrao za klub koji voli i tu priču nije promijenio, iako ga se Inter ljetos olako odrekao...

"Šta mislim o situaciji u Milanu? Iskreno, baš me briga. Ja sam Interista i ponosan sam na to, sve ostalo nije bitno", rekao je Kasano.