Kapiten Real Madrida Iker Kasiljas je prošle sezone izgubio mjesto u prvoj ekipi, ali to ni na koji način nije povezano sa njegovim odnosom sa tadašnjim trenerom Žoze Murinjom.
To tvrdi Aitor Karanka, koji je u to vrijeme bio prvi pomoćnik Portugalca.
“Puno smo razmišljali o njegovoj situaciji, jer Kasiljas nije baš bilo kakav igrač. Smatrali smo da bi trebalo bolje da da brani”, rekao je Karanka, koji je poput Murinja napustio Madrid i skrasio se u Engleskoj.
Murinjo se vratio na klupu Čelzija, dok je Karanka preuzeo drugoligaša Midlzbro.
“Ne znam razumije li Iker zbog čega je bio na klupi. Ista situacija se ranije događala sa Fernandom Ijerom, Manuelom Sančizom i Raulom. Iker i ja smo bili prijatelji. Danas više nemamo takav odnos, jer sam otišao iz kluba. Kako se naša saradnja bližila kraju, naš odnos više nije bio tako dobar”, objasnio je Karanka.
Bonus video:
