Fudbaler Alesandro Del Pjero rekao je danas da njegov bivši klub Juventus još ima šanse da prođe grupnu fazu Lige šampiona.
"Pratim igre Juventusa koliko mogu, nije lako naći vrijeme kada imaš dva mala djeteta. Igrali su sinoć dobro protiv Real Madrida i još imaju šanse da prođu dalje", rekao je Del Pjero italijanskim medijima.
Juventus je sinoć u četvrtom kolu Grupe B Lige šampiona igrao nerešeno s Real Madridom (2:2).
Klub iz Torina je na četvrtom, posljednjem mjestu Grupe B Lige šampiona, s tri boda. Prvi je Real Madrid sa 10, a na drugom i trećem mjestu su Galatasaraj i Kopenhagen, sa po četiri poena.
Del Pjero je za 19 sezona u Juventusu odigrao 705 utakmica i postigao 290 golova.
Bonus video:
