Engleski fudbaleri na lijep način oprostili su se od domaćih navijača pred put u Rusiju - tim Gareta Sautgejta savladao je Kostariku 2:0 na "Eland roudu" u Lidsu.
U postavi bez Dele Alija (ušao u drugom poluvremenu) i Harija Kejna, istakli su se Markus Rašford i Dani Velbek, strijelci u 13. i 76. minutu.
Rašfordov gol je bio remek-djelo, projektil iz koljena sa 30 metara, koji je Kejlor Navas samo ispratio pogledom.
Engleska je u Rusiji u grupi sa Belgijom, Tunisom i Panamom, dok Kostarika igra sa Brazilom, Srbijom i Švajcarskom.
Još ubjedljiviji bili su Portugalci, koji su ispratili Alžir sa tri lopte u mreži - 3:0.
Ronaldo je igrao 74 minuta, nije se upisao u strijelce, a sjajno ga je odmijenio Gonsalo Guedeš, koji je postigao dva gola.
Upisao se i Bruno Fernandeš, dok je pogodak Žoaa Marija poništio VAR.
Bonus video:
