Zdenek Zeman je poznat po spartanskom načinu priprema za novu sezonu. U današnjoj Romi jedino kapiten Franćesko toti zna kako je raditi sa Zemanom, ostali igrači „vučice“ tek prvi put na svojoj kožu osjećaju težinu priprema u Riskone di Bruniku, na samom sjeveru Italije, bazi za pripreme Rome u posljednje tri sezone.
„Igrači imaju teške pripreme, umorni su? To je normalno, nijesu ovdje došli sa turističkom agencijom. Ako smatrate da je ovo težak rad, varate se. Za mene to još uvijek nije ništa“, odgovorio je Zeman na pitanje novinara, komentarišući svoje metode rada u pripremnom periodu.
„Ima onih koji teže prolaze kroz sve ovo, dok drugima lakše pada. Ali, sve je to normalno u ovoj fazi priprema. Na primjer, Osvaldo već pokazuje bolje rezultate na testovima nego što je bio slučaj kada je bio kod mene u Lećeu“, dodao je Zeman.
Zeman ima jasne ideje kada je Toti u pitanju.
„Gledao sam njegovo igračko odrastanje, Toti je uvijek Tonti. Fizički, možda, više nije na nekadašnjem nivou, ali to je normalno. Daću mu ulogu u timu koja bude najkorisnija za ekipu“, rekao je češki trener, koji je ovog ljeta ponovo na klupi Rome, nakon prvog iskustva između 1997. i 1999. godine.
Bonus video:
