Berluskoni podržao Alegrija

Milan je izgubio titulu od Juventusa, ali neće na ljeto promijeniti trenera, odlučan je predsjednik "rosonera" Silvio Berluskoni.

Berluskoni je novinarima rekao da je "Alegri siguran na klupi".

"Alegri ima ugovor na još dvije godine i ne vidim razlog da pričamo na tu temu. Ostaje u Milanu i naredne godine želimo da vratimo titulu gdje joj je mjesto", rekao je Berluskoni.

Prvi čovjek Milana je potom čestitao "staroj dami" na osvojenom Skudetu...

"Svaka čast Juveu, titula je zaslužena ako se pogleda da su neporaženi i da su zaista igrali mnogo dobro. Ipak, mi smo im pomogli, toliko toga smo im poklonili", kazao je Berluskoni.