Van Persi: Rekordi me ne zanimaju

Ako danas protiv KPR-a postigne dva gola, Robin van Persi će se izjednačiti sa Alanom Širerom koji je postigao ukupno 36 pogodaka u kalendarskoj godini.

Holanđanin, međutim, odbija da priča o rekordima, misli samo na pobjede „tobdžija”.

“Kada izađem na teren, rekord sigurno neće biti na vrhu liste mojih prioriteta, možda tek na četvrtom ili petom mjestu. Prvi cilj biće pobjeda Arsenala, a ukoliko se upišem u strijelce tim bolje”, rekao je Van Persi.

Već je izjednačio klupski rekord koji je držao Tijeri Anri (34 gola).

“Na sreću, živimo u vremenu kad se dobra asistencija cijeni koliko i postignuti gol. Kada bih mogao da biram, uvijek bih izabrao da asistiram”, istakao je kapiten Arsenala.