Kapiten reprezentacije Gane Mihael Esijen (28 godina) izjavio je da nema namjeru da napusti Čelzi. Nakon što je Karlo Anćeloti dobio otkaz, "plavci" su bez menadžera, ali to nije smetalo odličnom vezisti da potvrdi vjernost timu iz Londona.
Posljednjih nekoliko dana Esijen je spominjan kao moguće pojačanje Intera, koji traži zadnjeg veznog igrača kako bi naredne sezone povratio, prije svega, titulu u Italiji.
- Radujem se narednoj sezoni. Želim da sa Čelzijem vratim titulu u Engleskoj i da pokušamo da osvojimo Ligu šampiona. Ne vidim sebe nigdje van Čelzija - rekao je Esijen za "Skysports".
Esijen je u Čelzi stigao 2005. godine iz Liona i do sada je odigrao 147 mečeva za "plavce". Za to vrijeme dao je 17 golova.
U Evropi je još igrao za Bastiju.
Član je reprezentacije Gane od 2002. godine.
Bonus video:
