Bivši reprezentativac Francuske Pol Le Gven postao je novi selektor reprezentacije Omana, saopštio je večeras Fudbalski savez te zemlje.
On će na toj poziciji naslijediti zemljaka Kloda Leroja, smijenjenog zbog loših rezultata.
Detalji ugovora nisu navedeni, ali su mediji u Omanu prenijeli da će Le Gven reprezentaciju preuzeti 27. juna, za prijateljske mečeve sa Kuvajtom i Libanom.
Le Gven je bio bez posla od juna 2010. godine, kada je smiujenjen sa mjesta selektora Kameruna, poslije neuspjeha na Svjetskom prvenstvu u Južnoj Africi.
On je u karijeri trenirao još Pari Sen žermen, Glazgov Rendžers, Olimpik Lion i Ren.
Najveći uspjeh ostvario je sa Olimpikom iz Liona, sa kojim je osvojio tri titule prvaka Francuske.
Bonus video:
