VELIKAN

Treća zvjezdica Ajaksa

Ovo je poseban dan za sve nas, prije svih, navijače, koji čekaju dugo na trofej. Ajaks je najveći klub u zemlji i uvijek je lijepo kada osvoji titulu - rekao je De Bur
0 komentar(a)
Ajaks, Foto: REUTERS
Ajaks, Foto: REUTERS
Ažurirano: 15.05.2011. 17:16h

Sedam godina su navijači Ajaksa čekali na titulu prvaka Holandije i dočekali su u sezoni u kojoj je tim iz Amsterdama sve do posljednja tri kola bio daleko, čak treći favorit (poslije Tventea i PSV-a).

„Kopljanici” su na „Amsterdam areni” savladali Tvente sa 3:1 u posljednjem kolu i osvojili 30. titulu u istoriji pošto su sezonu završili sa dva boda više od sada već bivšeg prvaka.

Junak je bio Siem de Jong koji je postigao prvi i treći gol za svoj tim (u međuvremenu je i Deni Landzat dao autogol), pa je trener Frank de Bur za samo sedam mjeseci od pomoćnika Martina Jola postao čovjek koji je donio toliko čekaniu trofej u Amsterdam.

- Ovo je poseban dan za sve nas, prije svih, navijače, koji čekaju dugo na trofej. Stvar je jednostavna - Ajaks je najveći klub u zemlji i uvijek je lijepo kada osvoji titulu - rekao je De Bur, koji je kao igrač pet puta bio prvak Holandije sa „kopljanicima”.