PREDSJEDNIK SAMPDORIJE MASIMO FERERO

Vrijeme je da kažemo: Serija A je završena

Posljednje prvenstvene utakmice su odigrane 9. marta, a do kraja sezone preostalo je još 12 kola
1946 pregleda 0 komentar(a)
Predsjednik Sampdorije sa sinom i igračima slavi pobjedu nad Đenovom, Foto: Simone Arveda
Predsjednik Sampdorije sa sinom i igračima slavi pobjedu nad Đenovom, Foto: Simone Arveda

Predsjednik Sampdorije Masimo Ferero izjavio je da nema smisla nastaviti prvenstvo bez navijača, što je jedna od mogućih opcija za završetak sezone.

"Vrijeme je da se dogovorimo i kažemo da je ova sezona Serije A završena. Teško mi je to da kažem jer bih želio da se nastavi. No, kakve bi to bile utakmice bez navijača, igrati na praznim stadionima i u tišini. Boli me srce kad pomislim na to", izjavio je Ferero.

Posljednje prvenstvene utakmice su odigrane 9. marta, a do kraja sezone preostalo je još 12 kola. 

Sampdorija je na 16. mjestu tabele, samo bod iznad zone ispadanja.

Italija spada među zemlje koje su najviše pogođene pandemijom koronavirusa, zaraženo je više od 139.000 ljudi, a umrlo je 17.669 osoba.

Preporučujemo za Vas