Gasperini: Žao mi je Mbapea

Trener Atalante, Đan Pjero Gasperini komentarisao je povredu fudbalera PSŽ-a, Kilijana Mbapea u finalu francuskog Kupa protiv Sent Etjena.

Mbape se povrijedio sinoć kada je na njega u 33. minutu grubo startovao Loik Perin. Igrač Sent Etjena je zbog starta dobio direktan crveni karton.

PSŽ i Atalanta sastaće se u četvrtfinalu Lige šampiona.

"Žao mi je Mbapea, nisam znao za povredu. On je odličan momak, nadam se da nije ništa ozbiljno. Ne želimo pobijediti zbog nesreće druge ekipe. Uostalom, ako pobijediš protiv takvih igrača, onda tvoj rezultat vrijedi još više", rekao je Gasperini.