prvenstvo francuske

Senzacionalni preokret Monaka protiv PSŽ-a, Jovetić igrao dva minuta

Monako od 0:2 došao do 3:2

12528 pregleda 5 komentar(a)
Foto: Reuters
Foto: Reuters

Senzacionalan preokret Monaka u derbiju prvenstva Francuske protiv Pari Sen Žermena - od 0:2 na poluvremenu do 3:2 i velike pobjede na stadionu "Luj II".

Stevan Jovetić je ušao u drugom minutu nadoknade vremena.

U prvom dijelu, šampion je "gazio" rivala, Kilijan Mbape postigao dva gola, još dva pogotka "svetaca" poništio je VAR.

U drugom poluvremenu se sve okrenulo. Ušao je Sesk Fabregas, probudio ekipu, a njemački napadač Kevin Foland sa dva gola iz peterca doveo Monako do 2:2.

U 82. minutu preokret je kompletiran - mladi štoper PSŽ-a Dijalo je izgubio loptu i sa leđa oborio Folanda, skrivio penal i dobio crveni karton.

Fabregas je sa bijele tačke savladao Navasa za 3:2.

PSŽ je doživio treći poraz u sezoni, ali je relativno miran na vrhu sa 24 boda, četiri više od Monaka. Po 18 imaju Lil i Olimpik Marsej, s tim da Lil ima jednu, a Olimpik dvije utakmice manje od lidera.

Preporučujemo za Vas