barsa minimalo slavila protiv ueske

Grizman opet nije bio u startnoj postavi, Kuman: Birao sam između njega i Brajtvajta

"Posljednjih nedjelja Martinu ide dobro, ali ova odluka ne znači da ne vjerujemo Grizmanu"

3009 pregleda 2 komentar(a)
Grizman sinoć ulazi u igru, Foto: Reuters
Grizman sinoć ulazi u igru, Foto: Reuters

Fudbaleri Barselone savladali su sinoć Uesku minimalnim rezultatom i zauzeli peto mjesto na tabeli.

"Blaugrana" je slavila minimalnim rezultatom, golom Frenkija de Jonga, ali je poslije meča novinare najviše zanimalo zašto Antoan Grizman ne dobija veću minutažu. Francuz je sinoć igrao samo devet minuta, prednost od starta imao je Martin Brajtvajt.

"Vjerujem svakom igraču, ali ako odlučim da igram sa trojicom u veznom redu, onda mogu imati tri fudbalera u napadu. Tu je, naravno, Messi, a ovaj put sam odlučio da će uz njega igrati i Dembele. Za treće mjesto sam morao da biram između Antoana i Martina. Posljednjih nedjelja Martinu ide dobro, ali ova odluka ne znači da ne vjerujemo Grizmanu, ima dovoljno utakmica za sve fudbalere", rekao je trener Barselone, Ronald Kuman.

Ovo je, inače, drugi put u posljednje dvije utakmice da je Grizman meč počeo sa klupe.

Grizman je ove sezone postigao tri gola, uz dvije asistencije na 15 mečeva. 

Preporučujemo za Vas