afrički kup nacija

Senegal preko Burkine Faso do finala

Senegal slavio 3:1

6290 pregleda 0 komentar(a)
Foto: Reuters
Foto: Reuters

Fudbaleri Senegala prvi su finalisti Afričkog kupa nacija.

Senegal je večeras u polufinalu savladao Burkinu Faso 3:1 i plasirao se u drugo finale zaredom.

Prava goleada viđena je večeras u Jaundeu, a sva četiri pogotka postignuta su u posljednjih 20 minuta.

Senegal je poveo 2:0 golovima Dijala i Geja u 70. odnosno 76. minutu. Burkina Faso je smanjila preko Turea u 82, da bi pet minuta kasnije Sadio Mane postavio konačan rezultat.

Senegal je i prije početka turnira bio jedan od favorita za pehar, a u finalu će za prvu titulu u istoriji igrati sa pobjednikom meča u kojem se sastaju Egipat i Kamerun. Taj meč na programu je sjutra (20 h).

Finale je na programu u nedjelju. Meč za 3. mjesto je u subotu.