Budućnost Karla Anćelotija u Real Madridu je neizvjesna, piše danas katalonski "Sport".
U Realu su razočarani kako je ekipa sinoć igrala protiv PSŽ-a u prvom meču osmine finala Lige šampiona. Navodno, gazda Reala, Florentino Peres namjerava da na ljeto otpusti italijanskog stručnjaka, jer smatra da Anćeloti nije idealna osoba za budući projekat kluba.
Peres planira da budućnost Reala gradi oko Kilijana Mbapea i Erlinga Halanda i u tom slučaju na klupi bi rado vidio nekog drugog trenera.
"Sport" piše da je Anćeloti prošlog ljeta bio iznuđeno rješenje. Peres je želio da dovede Antonija Kontea ili Maurisija Poketina, ali u tome nije uspio, pa je iz Evertona vratio italijanskog stručnjaka i sa njim potpisao saradnju do 2024. godine.
Anćeloti je u prvom mandatu u Realu boravio od 2013. go 2015, a sa njim na klupi Real je 2014. osvojio desetu titulu u Ligi šampiona.
Bonus video:
