DIRLJIVE RIJEČI NAPADAČA BOLONJE

Arnautović sa dva gola srušio Sampdoriju, pa poručio: Siniša mi je kao otac, igramo za njega

„Meč protiv Milana je pokazao da imamo karakter, a sada smo opet igrali za Sinišu. Gledam na njega kao na starijeg brata ili oca. Pričamo puno, daje mi energiju. Svi mi koji smo u klubu radimo ovo za njega”, rekao je austrijski reprezentativac

7944 pregleda 1 komentar(a)
Foto: www.bolognafc.it
Foto: www.bolognafc.it

Siniša Mihajlović je opet u bolnici, bori se sa leukemijom koja mu se vratila, ali su igrači Bolonje uradili sve da mu uljepšaju turobne dane.

Nakon remija sa Milanom u Gradu mode, „rosoblu” je večeras savladao Sampdoriju 2:0 i osigurao mjesto u sredini tabele.

Oba gola, u 61. i 76. minutu, dao je Marko Arnautović, koji je nakon meča dirljivim riječima pričao o Mihi.

„Ja sam dao golove, ali zasluge idu cijelom timu, svih 11 smo odigrali odlično. Meč protiv Milana je pokazao da imamo karakter, a sada smo opet igrali za Sinišu. Gledam na njega kao na starijeg brata ili oca. Pričamo puno, daje mi energiju. Svi mi koji smo u klubu radimo ovo za njega”, rekao je austrijski reprezentativac.