Bez pobjednika u derbiju drugog kola Serije A - Atalanta i Milan remizirali su večeras u Bergamu (1:1), pa "rosoneri" imaju dva boda manje od gradskog rivala, Intera i Napolija, koji imaju maksimalan učinak nakon dva kola.
Šansu za maksimalan učinak nakon dva kola imaju Roma i Juventus, koji sjutra igraju protiv Kremonezea, odnosno Sampdorije.
Atalanta je večeras povela iz prvog udarca u okvir gola - u 29. minut Malinovskij je nakon asistencije Melea sa ivice šesnaesterca zatresao mrežu i doveo tim iz Bergama u vođstvo.
Do odlaska na odmor Milan je prijetio preko Ernandesa i Leaa.
U drugom poluvremenu prvu šansu imala Atalanta, ali je lopta nakon udarca Kalulua otišla preko gola.
Potom je na drugoj strani pokušao Leao, a onda i Tonali. Ipak, rezultat se nije mijenjao sve do 69. minuta kada je Benaser sa desne strane ušao u šesnaesterac i lijepo plasirao loptu.
U drugom meču večerašnjeg programa Bolonja i Verona igrali su 1:1.
Bolonja povela preko Arnautovića, bod Veroni donio je Anri.
Bonus video:
