Fudbaleri Mančester junajteda savladali su sinoć Totenhem 2:0, ali to nije glavna vijest sa "Old Traforda".
Odlična igra "đavola" ostala je u drugom planu nakon informacije da je Kristijano Ronaldo napustio stadion prije kraja utakmice.
Menadžer Junajteda Erik ten Hag je u 87. minutu napravio posljednju izmjenu, pa je Ronaldo, vidjevši da neće igrati, već tada otišao u svlačionicu, a onda je i napustio stadion.
"Vidio sam ga, ali nisam s njim o tome pričao. Raspravljaćemo o tome. Sad slavimo pobjedu. Ne želim sada o tome, sjutra ćemo. Volio bih da zadržim fokus na ekipi i sjajnoj predstavi svih 11 igrača i igrača koji su ušli u igru. Bila je to timska igra", rekao je nakon meča Ten Hag.
Inače, ovo nije prvi put da Ronaldo od dolaska Ten Haga ranije napušta utakmicu. I protiv Rajo Valjekana, ljetos u prijateljskom meču, Portugalac je otišao nakon što je zamijenjen na poluvremenu.
Bonus video:
