Karim Benzema se u Realu osjeća najbolje, afera oko neigranja na Mundijalu nije ostavila trag na njegovu golgetersku klasu u dresu madridskog kluba.
Golovima francuskog napadača u finišu meča, Real je slavio u Valjadolidu 2:0 na povratku La Lige nakon pauze zbog Svjetskog prvenstva.
Izgledalo je da će Anćelotijev tim biti zaustavljen na Zorilji, bilo je 0:0 sve do 81. minuta, kada je sudija Montero, nakon pregleda VAR snimka, pokazao na penal zbog igranja rukom Sančesa.
Odluka sudija je izazvala žestoke proteste domaćih, Leon je dobio direktan crveni karton, skoro dva minuta je trajao prekid, a Benzema je zadržao mirnoću i pogodio sa bijele tačke.
U 89. minutu je zaključio meč na asistenciju Kamavinge.
Real je ponovo na vrhu, ali da li će 2023. godinu dočekati kao lider zavisi od ishoda meča Barselona - Espanjol koji se igra posljednjeg dana 2022. na Nou kampu.
Bonus video:
