Fudbalski savez Engleske (FA) istražiće navode o sumnjivim obrascima klađenja tokom utakmice treće runde FA kupa između Oksforda i Arsenala, prenijeli su danas tamošnji mediji.
Prema navodima medija istraga je usmjerena na žuti karton fudbalera Oksforda Kirona Brauna.
FA navodno ima dokaze koji ukazuju na sumnjive radnje. Riječ je o porukama u kojima piše da će Braun dobiti žuti karton. U jednoj poruci piše da je uloženo 200 funti da će fudbaler domaćih biti opomenut, te da je zbog toga jedna kladionica oštećena za 1.600 funti, pišu engleski mediji.
Fudbaleri Arsenala pobijedili su u ponedjeljak na gostovanju ekipu Oksforda sa 3:0.
Arsenal će u četvrtoj rundi FA kupa gostovati ekipi Mančester sitija.
Bonus video:
