Fudbaleri Intera prekinuli su mini-niz od dvije pobjede u Seriji A i odigrali večeras 0:0 u gostima sa Sampdorijom.
Bod više znači domaćoj ekipi koja nastavlja borbu za opstanak, pa nakon večerašnjeg meča ima osam bodova manje od Specije, koja je u sigurnoj zoni.
Sa druge strane Inter sada ima velikih 15 bodova manje od lidera Napolija, ali samo tri više od Atalante, Rome i Milana.
"Neroazuri" su od početka prijetili, prvu šansu je imao Lukaku, ali je Audero odlično reagovao, da bi nakon toga priliku imao i Darmijan.
Inter je u prvom dijelu imao inicijativu, pokušavao da dođe do gola, jednu priliku je imao i Darmijan, ali je nakon njegovog udarca lopta otišla preko gola.
Za razliku od Intera, Sampdorija u prvom dijelu nije stvorili nijednu šansu.
U nastavku se nije mnogo toga mijenjalo, a na startu drugog dijela je probao i Dimarko, ali nije bio precizan.
Najbolju priliku u drugom poluvremenu Inter je imao preko Hakana Čalhanoglua u 78. minutu, ali je njegov udarac zaustavio Audero. Pet minuta kasnije turski reprezentativac je ponovo bio u prilici, ali je lopta otišla pored gola.
U 92. minutu je Aćerbi sa oko 30 metara snažno šutirao, a Audero je, uz pomoć prečke zaustavio i ovaj udarac. Potom je u Lautaro bio sam u petercu, ali se spetljao.
Bonus video:
