Saka bi mogao da postane najplaćeniji fudbaler Arsenala

Nedjeljna plata engleskog reprezentativca je trenutno 70.000 funti, ali bi novim ugovorom mogla da skoči na 300.000 funti

1498 pregleda 1 komentar(a)
Saka, Foto: Reuters
Saka, Foto: Reuters

Fudbaler Arsenala Bukajo Saka mogao bi da potpiše novi dugoročni ugovor, koji će mu učetvorostručiti zaradu čime bi postao najplaćeniji igrač u ekipi.

Saka je došao u Arsenal kada je imao samo sedam godina. Ugovor sa Arsenalom ističe mu na ljeto 2024. godine, ali sada je spreman da ga produži do 2028. godine, prenio je danas britanski Miror.

Nedjeljna plata engleskog reprezentativca je trenutno 70.000 funti, ali bi novim ugovorom mogla da skoči na 300.000 funti, pa bi 21-godišnji fudbaler postao najplaćeniji igrač kluba, nadmašivši nedjeljnu platu Gabrijela Žezusa od 250.000 funti.

To neće biti rekordan ugovor, s obzirom da je i dalje najskuplji ugovor nekadašnjeg igrača "tobdžija" Mesuta Ozila od 350.000 funti.

Bonus video: