Fudbaleri Gorice savladali su juče u 29. kolu Hrvatske nogometne lige (HNL) u gostima Šibenik 4:0 i upisali važne bodove u borbi za opstanak.
Klub, za koji nastupaju crnogorski fudbaleri Momčilo Raspopović i Nikola Vujnović je na posljednjem mjestu na tabeli, ali ima samo bod manje od jučerašnjeg rivala.
A nakon utakmice u Šibeniku uslijedila je zanimljiva izjava trenera Gorice Željka Sopića.
„Odigrali smo vrhunsko prvo poluvrijeme, drugo je bilo malo negledljivo. Sad će zaživjeti taj balkanski mentalitet, vjerovatno će se napiti svi u autobusu, a ne znaju da će biti trening u jedan sat ujutro, kad se vratimo u Goricu. Da, biće trening, da izbace taj alkohol iz sebe. I to nije priča za medije, tako smo odlučili prije tri dana“, rekao je Sopić poslije meča.
Sopić je ispunio obećanje, pa su igrači Gorice u jedan sat nakon ponoći odradili trening. Klub je na društvenim mrežama objavio kako fudbaleri trče na nakon izlaska iz autobusa.
"Ako vas je probudilo neko svjetlo u Velikoj Gorici, ne brinite, to su samo naši reflektori, treniramo", piše u objavi kluba.
Bonus video:
