Dinamo ove sezone nije ni blijeda sjenka tima koji je harao hrvatskim fudbalom, u HNL-u gleda u leđa Hajduku i Rijeci, u Evropi je ispao u kvalifikacijama za Ligu šampiona i Ligu Evrope, a onda u Ligi konferencija doživio poraz od kosovskog Balkanija.
Tada ga je srušio tim koji kao kapiten predvodi Edvin Kuč, a sada mu je presudio još jedan Crnogorac - Nikola Vujnović je ušao u 69. minutu i već u 70. izjednačio, da bi Ante Matej Jurić u 92. donio preokret i tek drugi trijumf (2:1) u istoriji Gorice nad najvećim hrvatskim klubom.
Vujnović je prošle sezone stigao u Goricu i dao dva gola na 21 meču, a ovo mu je treći u ovoj sezoni - drugi u prvenstvu, a dao je jedan i u Kupu Hrvatske.
Napadač rođen na Cetinju prije 26 godina je odigrao pet utakmica za „hrabre sokole” i dao gol za veliki bod protiv Holandije pod Goricom (2:2) u kvalifikacijama za Svjetsko prvenstvo u Kataru.
Današnju utakmicu protiv Dinama je počeo i drugi crnogorski internacionalac, Momčilo Raspopović, ali je izašao iz igre na poluvremenu.
Bonus video:
