Alesandro Nesta se na mala vrata vraća u italijanski fudbal.
Nekada proslavljeni defanzivac biće trener drugoligaša Peruđe, koju će pokušati da vrati u Seriju A, kroz plej-of.
Kako javlja "Skaj", Nesta je dogovorio saradnju do kraja sezone.
Peruđa je u zoni plej-ofa, kolo prije kraja prvenstva, ali ima težak zadatak, jer će regularni dio završiti na osmom mjestu. Konkurenti su joj Ćitadela, Bari, Palermo, Venecija, te Parma ili Frozinone.
Nesta ima trenersko iskustvo iz SAD, gdje je dvije godine radio u Majamiju, članu druge lige.
Nakon Lacija i Milana, igračku karijeru je nastavio u Vankuveru, a završio je u Indiji, 2014. godine.
Bonus video:
