I to u najjačoj holandskoj ligi - Fortuna je u završnici utakmice protiv Herenvena bila s 12 igrača na terenu!
Pri rezultatu 2:1 u korist Herenvena najavljena je dvostruka izmjena u postavi Fortune u 88. minutu utakmice. Dario Grujičić i Oven Džonson trebali su zamijeniti Rajana Fosa i Jaspera Dahlhausa.
Na teren su ušli Grujičić i Džonson, a izišao je samo Foso, Dahlhaus je ostao u igri. Sudija Ervin Blank to nije primijetio.
Nakon toga Fortuna je igrajući s brojčanom prednosti ostvarila pravo na aut u blizini protivničkog šesnaesterca. Trener Herenvena Robin van Persi apelovao je kod sudija a napokon je Dahlhaus napustio igru, a iz auta je domaćin izborio korner iz kojeg je Fortuna izjednačila za bod - 2:2.
“Ostvarili su prednost i došli u poziciju imajući 12 igrača. To je stvarno nezamislivo, nikad u životu nisam doživio ništa slično. To smo odmah primijetili i prijavili četvrtom sudiji. Rekao je da će ispitati stvar, ali igra se nastavila. Ubrzo nakon toga lopta je otišla izvan igrališta. I, naravno, ova situacija utiče na igru. Ne možete igrati 12 protiv 11. Smatram to jako čudnim, ali očito je moguće," u nevjerici je pričao Van Persi nakon meča.
Bonus video:
