Prije šest dana je Mančester junajted prvi put u eri Rubena Amorima sastavio dvije pobjede u Premijer ligi, a da je ovo pozitivan trenutak za "đavole" pokazuje i to što je upisan i treći trijumf.
Na Old trafordu je pao Brajton, bilo je 4:2, pa je Junajted makar na dva i po sata "dohvatio" mjesto koje vodi u Ligu šampiona.
Mateus Kunja je najavio pobjedu domačina, Kazemiro uz dosta sreće donio prednost od 2:0, a pola sata prije kraja je sve dileme otklonio Brajan Embeumo.
Tri boda su već mogla da budu uknjižena, ali nikada nije tako kada igra Junajted.
Brajton je imao reakciju, i to kakvu - smanjio je evrogolom Danija Velbeka iz slobodnog udarca u 74, imao potom nekoliko šansi prije nego je poslije kornera 3:2 donio Grk Karalampos Kostulas u 92.
NE PROPUSTITE
Ostalo je bilo još više od pet minuta za goste, ali je posljednja riječ bila Junajtedova pa je konačan rezultat postavio Embeumo.
Amorimov tim ima 16 bodova iz devet mečeva.
Bonus video:
