Nakon što su prije nedjelju dana savladali Levski, pred košarkašima Teoda je još jedan težak zadatak u Balakanskoj ligi. U goste stiže Sigal iz Prištine, koji sa Galil Gilboom dijeli prvo mjesto na tabeli. Bez obzira na činjenicu da su gosti favoriti, Tivćani ne pomišljaju da se predaju bez borbe.
"Sigurno da je pred nama veoma teška utakmica. U goste nam stiže Sigal, jako dobar tim sa pet internacionalaca, tri Amerikanca, Litvanca i Hrvata, uz sjajnog šutera Dardana Berišu. Od Amerikanaca i Beriše zavisi dosta toga u njihovoj igri. Mi ćemo pokušati da odigramo najbolje što možemo, da pružimo maksimum, a ostaje da se vidi za šta će to biti dovoljno. Prije svega, moramo odigrati kvalitetnu odbranu, da ih svedemo na što manji broj poena", istakao je Miodrag Kadija, trener Teoda.
Duelu u dvorani “Župa” igra se od 18 sati, a pravdu će dijeliti Makedonci Aleksandar Pavlov, Alija Ferevski i Aleksandar Milojević.
Bonus video:
