nba

Hrvatski centar nadvisio Dončića, briljantni Lilard srušio Denver

Finiks je nastavio dobru seriju, savladao je Indijanu 114:99 i još ima šanse za plej-of

2014 pregleda 0 komentar(a)
Ivica Zubac, Foto: AP
Ivica Zubac, Foto: AP

LA Klipersi su pobijedili Dalas Maverikse 126:111 u nastavku NBA lige, a pored svih zvijezda zablistao je hrvatski centar Ivica Zubac, koji odigrao je najbolju utakmicu u dresu tima iz Los Anđelesa.

On je za 24 minute upisao 21 poen (šut 10-10), imao 15 skokova.

Najbolji igrač lige Kavaj Lenard ubacio je 29, a Pol Džordž 24 poena, dok su Dalas predvodili Luka Dončić (29 poena i 6 asistencija) i Kristaps Porzingis sa 30 poena i 9 skokova.

Finiks je nastavio dobru seriju, savladao je Indijanu 114:99 i još ima šanse za plej-of.

Dario Šarić je za Sanse u 20 minuta upisao 16 poena (šut 4-9), od čega pet u zadnjoj četvrtini.

Uz Šarića, istakli su se Deandre Ajton sa 23 i Devin Buker sa 20 poena, dok je Indijanu predvodio Malcolm Brogdon sa 25 poena i 6 asistencija.

I Portland je ostvario važnu pobjedu u borbi za doigravanje, savladavši Denver sa 125:115.

Briljirao je Demijan Lilard sa 45 poena i 12 asistencija. Dobro ga je pratio Jusuf Nurkić sa 22 poena.

Ekipu Denvera vukao je Majkl Porter, 27 poena i 12 skokova, a Nikola Jokić je imao malu minutažu i upisao osam poena i 13 asistencija.