NBA

Igrači Hjustona otišli na šišanje, jedan se zarazio, NBA odložila meč sa Oklahomom

Košarakši Hjustona, Džon Vol, Demarkus Kazins ​​i Kenjon Martin su se u utorak uveče okupili u apartmanu, daleko od ekipe, na šišanju, navodi ESPN. Martin je potom na testiranju na koronavirus, bio pozitivan

4115 pregleda 0 komentar(a)
Harden (arhiva), Foto: Reuters
Harden (arhiva), Foto: Reuters

NBA je tek počela, a jedna utakmica je odložena - susret Hjustona i Oklahome nije odigran zbog pojave koronavirusa kod "rokitsa".

Košarakši Hjustona, Džon Vol, Demarkus Kazins ​​i Kenjon Martin Junior su se u utorak uveče okupili u apartmanu, daleko od ekipe, na šišanju, navodi ESPN.

Martin je potom na testiranju na koronavirus, bio pozitivan, a nakon potrage za kontaktima pozitivan nalaz dobio je i Džejsin Tejt. U izolaciji je i Ben Meklimor, koji je prije nekoliko dana dobio pozitivan test.

„Trojica igrača Hjustona imala su pozitivne ili nejasne testove na koronavirus prema NBA programu testiranja. Protokolom za traženje kontakata, još četiri igrača trenutno su u karantinu. Osim toga, Harden nije dostupan zbog kršenja zdravstvenih i sigurnosnih protokola. Svi ostali igrači Rokitsa danas su ponovno testirani i svi su dali negativne rezultate. Hjuston ima još jednog igrača koji nije dostupan zbog povrede,“ piše u saopštenju NBA lige.

Na sve to nadovezao se skandal oko Džejmsa Hardena - on je uhvaćen u jednom striptiz klubu, a nije nosio masku i kršio je protokol NBA lige. Protokolom se igračima zabranjuje odlazak u barove, klubove, a ne smiju da učestvuju na skupovima na kojima je više od 15 ljudi.

Harden je kažnjen 50.000 dolara, a košarkaš se branio da nije onako kako izgleda.

"Otišao sam na zabavu prijateljice, ne u striptiz klub. I sad je to problem. Svaki dan nešto drugo", napisao je Harden na Instagramu, ali je kasnije obrisao objavu.