KOŠARKAŠI BUDUĆNOSTI SLAVE USPJEH U EVROKUPU

Lendri: Malo je ko vjerovao da možemo do Top 16 faze

"Mislim da ćemo biti težak protivnik za sve rivale u sljedećoj rundi", dodao je Lendri.
1 komentar(a)
KK Budućnost Voli, Foto: Filip Roganović
KK Budućnost Voli, Foto: Filip Roganović
Ažurirano: 01.02.2019. 21:21h

Iako ga već neko vrijeme muče problemi sa leđima, Kajl Lendri je u posljednjoj četvrtini imao nekoliko važnih poena i akcija za večerašnju pobjedu Budućnosti protiv Litkabelisa (76:62), kojom su "plavi" izborili plasman u Top 16 fazu Evrokupa.

"Sporo smo ušli u meč, bili smo malo nervozni na startu, napravili smo neke velike greške, imali loše šuteve, ali nismo dozvolili protivniku da se odlijepi. Bilo je mnogo bolje od prve četvrtine meča u Litvaniji, što nam je pomoglo. Kako je vrijeme odmicalo, dobijali smo na samopouzdanju, počeli smo da igramo našu igru, postizali smo poene, pravili blokade, i izvukli prednost iz svega toga", rekao je Lendri nakon meča.

Kanađanin je istakao da je Budućnost dobro igrala u grupi.

"Mislim da nije bilo mnogo onih van naše ekipe koji su vjerovali da možemo da prođemo u Top 16. Igrali smo jako protiv svakog protivnika, osim Bajerna svakoga smo barem jednom pobijedili. Mislim da ćemo biti težak protivnik za sve rivale u sljedećoj rundi", dodao je Lendri.