nba

Pistonsi blokirali Lebrona i iznenadili Lejkerse

Los Anđeles Klipersi sinoć si sa 109:105 u gostima pobijedili Majami

2125 pregleda 0 komentar(a)
Lebron na meču sa Klipersima, Foto: AP
Lebron na meču sa Klipersima, Foto: AP

Detroit Pistons su iznenadili aktuelne prvake Los Anđeles Lejkerse, savladali su ih na svom terenu 107:92 nakon što su ih u zadnjoj četvrtini ostavili bez koša gotovo sedam minuta. Blejke Grifin je bio najbolji strijelac pobjedničke ekipe sa 23 poena.

Za Lejkerse, koji su igrali bez povrijeđenoh Entonija Davisa, ovo je bila utakmica s najmanje datih koševa i drugi poraz zaredom u gostima nakon što su imali seriju od 10:0 na početku sezone.

Lebron Džejms je bio najbolji pojedinac kod Lejkersa sa 22 poena, ali je upisao samo dva u drugom poluvremenu. Osim toga, upisao je deset asistencija i sedam skokova.

Los Anđeles Klipersi sinoć si sa 109:105 u gostima pobijedili Majami.

Nkolas Batum je za Kliperse ubacio 18 poena, Lu Vilijams je dodao 17, a po 16 su ubacili Markus Moris i Redži Džekkson.

Tajler Hirou, u svojoj prvoj utakmici nakon pobrede, predvodio je Majami sa 19 poena i deset skokova te pet asistencija.

Hjuston je kod kuće sa 104:101 bio bolji od Portlanda, a do pobjede ga je predvodio Viktor Oladipo sa 25 pogodaka, ukljućujući i polaganje 26,2 sekunde prije kraja što je njegovoj ekipi donijelo prednost od tri poena.

Demijan Lilard je bio najbolji u redovima Portlanda, upisao je 30 poena, a Anferni Simons je promašio šut za izjednačenje na zvuk sirene.

Finiks je sa 114 :93 bio bolji od gostujućih Golden stejt Voriorsa, a Mikal Bridžis je predvodio sedam igrača Sansa s dvocifrenim učinkom sa 20 poena. Stef Kari je sa 27 poena bio najbolji strijelac utakmice i poraženog tima.

Preporučujemo za Vas