Košarkaši Finiksa pobijedili su prošle noći na svom terenu Milvoki sa 118:108 i tako poveli sa 2:0 u velikom finalu NBA lige.
Bilo je izjednačeno 41:41 kada su Sansi napravili seriju 15:4 i na poluvrijeme otišli s prednošću od 56:45.
U nastavku meča su odoljeli svakom pokušaju Janisa Adetokumba da približi Bakse, tako da su sada na samo dva koraka od prve NBA titule.
Finiks je predvodio Devin Buker sa 31 poenom, pogodivši sedam trojki, Mikal Bridžis je dodao 27, a Kris Pol 23 poena uz osam asistencija.
Na drugoj strani dominirao je Adetokumbo, ali nije imao pomoć saigrača. On je meč završio sa 42 poena i 12 skokova, ali su Džru Holidej i Kris Midlton podbacili.
Holidej je igrao agresivnije, ali nije šutirao puno bolje nego u prvoj utakmici (7 od 21 iz igre), dok je Midlton je šutirao 5/16, pa je Janis morao da ponese još veći teret na bolnoj lijevoj nozi.
Finalna serija se sada seli u Milvoki, a treći meč je na programu u noći između nedjelje i ponedjeljka.
Bonus video:
