Košarkaši Crvene zvezde ubjedljivo su poraženi od berlinske Albe (78:63) u Beogradu, u meču 5. kola Evrolige.
Bez crnogorskog reprezentativca Nikole Ivanovića, koji se jutros nije osjećao dobro i poslat je u izolaciju dok ne budu gotovi rezultati covid-testa, Beograđani su bili neočekivano lak plijen "albatrose", iako su bili veliki favoriti uoči meča.
Razigrane Njemce, koji su već početkom druge četvrtine poveli 16 razlike, predvodili su Maodo Lo (17 poena), Luke Sikma i Jovel Zosman (11) i Tamir Blat (10 poena).
Četa Dejana Radonjića je, s druge strane, bila neočekivano prozirna u defanzivi, bez rješenja u napadu, pa je maksimum što je uspjela u drugom poluvremenu bilo da priđe na devet poena zaostatka.
Ognjen Kuzmić je ubacio 16 poena, Nejt Voters 13, a Luka Mirtović 11.
CSKA je u Moskvi pobijedio Olimpijakos (88:82) uz sjajnu partiju Vila Klajburna, koji je ubacio 29 poena.
Na drugoj strani, briljirao je Tajler Dorsi, ubacio je 32 koša, ali nije bio od pomoći Pirejcima.
Bonus video:
