NBA LIGA

Durent i Kari predvodili Voriorse do pobjede, Bogdanović 14 poena u novom porazu Kingsa

Minesota je pobijedila Dalas sa 112:99, a Timbervulvse je predvodio Karl-Entoni Tauns sa dabl-dablom (31 poen i 12 skokova)
0 komentar(a)
Golden Stejt, Denver, Foto: Reuters
Golden Stejt, Denver, Foto: Reuters
Ažurirano: 05.11.2017. 08:33h

Aktuelni šampioni NBA lige, košarkaši Golden Stejt Voriorsa su dobivši treću četvrtinu protiv Denver Nagetsa sa 43:21 i definitivno prelomili meč koji je na kraju završen rezultatom 127:108 u njihovu korist.

U timu Voriorsa najbolji je bio Kevin Durent sa 25 poena i po 7 skokova i astencija, a slijedili su ga Stef Kari sa 22 poena (5-10 za tri) i 11 asistencija, kao i Drejmond Grin sa 15 poena, 7 uhvaćenih lopti i 8 dodavanja.

Nikola Jokić u dresu Denvera je dobio mnogo manju minutažu nego inače – odigrao je 19 minuta i za to vrijeme postigao 8 poena, imao sedam skokova i tri asistencije.

Kod Nagetsa se jedino istakao Vil Barton – 21 poen, 8 skokova i 5 asistencija.

Srpski košarkaš Bogdan Bogdanović je u porazu svog Sakramenta od Detroita rezultatom 108:99 na terenu proveo skoro 27 minuta i za to vrijeme postigao 14 poena (6-7 iz igre, 2-2 za tri), uz po jedan skok, asistenciju i četiri izgubljene lopte.

Srpski bek bio je jedan od najboljih igrača u redovima Kingsa, ali to nije bilo dovoljno da se izbjegne osmi poraz u devetoj utakmici.

Najbolji kod Kingsa bio je Zek Rendolf sa 19 poena i po četiri uhvaćene lopte i asistencije, dok je na drugoj strani dominirao Andre Dramond sa dabl-dablom (16p i 19 sk).

Ejveri Bredli bio je najefikasniji sa 24 poena, četiri više od Herisa.

Minesota je pobijedila Dalas sa 112:99, a Timbervulvse je predvodio Karl-Entoni Tauns sa dabl-dablom (31 poen i 12 skokova), Vigins je dodao 23, dok su Taž Gibson (12 poena i 10 skokova) i Džef Tig (11 poena i 10 asistencija), takođe bili dvocifreni u dvije kategorije.

Srpski košarkaš Nemanja Bjelica, na terenu je u dresu Minesote proveo 15 minuta i za to vrijeme je ubacio šest poena (2-2 za tri), uhvatio četiri lopte i podijelio dvije asistencije.

Nju Orleans Pelikansi slavili su, poslije produžetaka, protiv Čikago Bulsa sa 96:90. U pobjedničkom timu dvojica igrača su zabilježili dabl-dabl učinak. Entoni Dejvis je postigao 27 poena i 16 skokova, dok je Demarkus Kazins postigao 25 poena, zabilježio 11 skokova i četiri asistencije.

Džastin Holidej je sa 18 poena, devet skokova i jednom asistencijom bio najbolji u timu Bulsa.

Preporučujemo za Vas