postali treća najuspješnija franšiza u istoriji NBA lige

Voriorsi preskočili Bulse: Lejkersi i Seltiksi i dalje na vrhu

Ovo je sedma titula za franšizu koja je osnovana 1946. godine u Filadelfiji kao jedan od izvornih timova NBA. Voriorsi su, takođe, osvojili prvo prvenstvo u sezoni 1946/47

3633 pregleda 0 komentar(a)
Slavlje igrača Golden Stejta, Foto: Reuters
Slavlje igrača Golden Stejta, Foto: Reuters

Osvojivši noćas sedmu titulu prvaka, Golden Stejt Voriorsi su postali treća najuspješnija franšiza u istoriji NBA lige.

Golden stejt je prošle noći pobijedio Boston sa 103:90 i tako ukupnim rezultatom 4:2 osvojio četvrtu NBA titulu u posljednjih osam godina.

Voriorsi su do sada dijelili treće mjesto sa Čikago Bulsima sa po šest osvojenih titula.

Ovo je sedma titula za franšizu koja je osnovana 1946. godine u Filadelfiji kao jedan od izvornih timova NBA. Voriorsi su, takođe, osvojili prvo prvenstvo u sezoni 1946/47, piše Hina.

Grupa investitora iz San Franciska kupila je franšizu poslije sezone 1961/62. i premjestila ekipu koja je postala poznata kao San Francisko Voriors.

Godine 1971. franšiza se preselila u Ouklend i promijenila ime u Golden Stejt Voriors. Prije tri godine Voriorsi su se vratili u San Francisko poslije 48 godina.

Golden stejt je prethodno šampion NBA lige bio 1947, 1956, 1975, 2015, 2017. i 2018. godine.

Na vrhu liste najuspješnijih NBA klubova su Los Anđeles Lejkersi i Boston Seltiksi sa po 17 titula.

Lejkersi su još 15 puta igrali u finalu i izgubili, dok je Boston izgubio pet finala.