Kao što se i očekivalo nakon što je prije tri dana dogovorio otkup svog ugovora u Hjuston Rokitsima, američki košarkaš Džon Vol (31) potpisao je dvogodišnji ugovor s Los Anđeles Klipersima.
Vol, kojeg su Vašington Vizardsi izabrali kao prvog na draftu 2010. godine, nije odigrao nijedan meč za Hjuston prošle sezone zbog napuknuća Ahilove tetive i operacije pete, dok je u sezoni 2020/21 odigrao tek 40 utakmica u NBA ligi.
Iako je pet puta nastupio na "All star" utakmicama, tokom svoje karijere Vol je imao brojnih problema s povredama, operisao je i oba koljena.
Do sada je odigrao 613 utakmica u najjačoj košarkaškoj ligi svijeta uz prosjek od 19,1 koševa i 9,1 asistencija.
Vol je s Klipersima potpisao dvogodišnji ugovor vrijedan 13,2 miliona dolara.
Bonus video:
