Poslije šest godina u NBA, Tomaš Satoranski se vratio u Barselonu.
Češki reprezentativac je potpisao ugovor sa Kataloncima do 2026. godine i biće veliki adut „blaugrane”, koja želi da se treći put domogne titule prvaka Evrope.
„Barsa i Tomaš Satoranski su se dogovorili da se bek šuter pridruži klubu za naredne četiri godine, do 30. juna 2026. Tridesetogodišnji košarkaš se vraća u Blaugranu poslije uspješnog perioda koji je imao od 2014. do 2016. Satoranski je igrao posljednjih godina u NBA ligi, od 2016. do 2022. Čeh je ostavio trag u najjačoj ligi svijeta, iako je u posljednjoj sezoni nastupao za tri ekipe”, stoji u saopštenju Barselone.
Satoranski je sa nepunih 18 godina iz Praga stigao u Sevilju, u kojoj je proveo pet sezona, prije nego što je 2014. otišao u Barsu.
Sa Kataloncima je osvojio samo Superkup Španije, prije nego što je otišao „preko bare”, gdje je igrao za Vašington, Čikago, Nju Orleans i San Antonio.
U NBA je prosječno bilježio 6,9 poena, 4,1 asistenciju i 2,9 skokova.
Bonus video:
