Košarkaši Budućnost Volija savladali su Zadar 87:85 na startu ABA lige.
Trener Aleksandar Džikić kazao je da je cilj ostvaren - najvažnija je pobjeda.
"Ne mogu da kažem da se nismo borili, ali bili smo malo nedorečeni. Nije se dogodilo ništa što nismo očekivali. Priča da oni nisu kvalitetni je neosnovana. Kada dođe do miksa iskustva, kvaliteta I rasterećenosti, Zadar je opasan protivnik", rekao je Džikić.
"Mi smo, s druge strane, imali dosta problema. Ivanović je igrao povrijeđen, Lendri je falio, jer je on pravi igrač za ovakve ekipe, ali neću mnogo o tome. U principu je najvažnije da smo pobijedili", kazao je trener Budućnosti.
Budućnost je imala ubjedljivu prednost, a u posljednjoj četvrtini primila 33 poena.
“Tako se utakmica namjestila. Oni su zaostajali, nisu imali šta da izgube, pogodili su neke šuteve, primakli se i to je to. Vjerovatno bi bila drugačija priča da smo izgubili, ali nismo”, kazao je Džikić.
Bonus video:
