Majk Meloun nije tipičan trener NBA klubova.
Uvijek je otvoreno govorio o svemu što ga tišti, nikad nije bio diplomata, a takav nije ni sada, kada je dobio čast da vodi ekipu na Ol-star utakmici.
Šta više, otvoreno je kritikovao meč kojem je sinoć prisustvovao sinoć u Solt Lejk Sitiju.
„Čast mi je da budem ovdje, da sam dio sjajnog vikenda, da vodim sjajne igrače, ali ovo je najgora košarkaška utakmica ikad odigrana”, rekao je Meloun.
O tome kakve su se odbrane igrale, dovoljno govori činjenica da je Tim Janis savladao njegov Tim Lebron 184:175.
„Igrači su priredili šou za navijače, ali ovo je bila teška utakmica za izdržati, neću da lažem. Ne znam kako, ali nešto mora da se promijeni. Izdvojio bih Džoela Embida i Kajrija Irvinga koji su nešto pokušavali, koji su se borili, pokušali da igraju odbranu”, dodao je Meloun.
Nekada su Ol-star utakmice bile prave bitke, ali kako koja godina odmiče sve više liče na zagrijavanje majstora košarke, jer odbranu niko ne igra ni sa pola snage.
Povezani članci
Bonus video:
