Ukoliko preskoče Rigu, košarkaši Crne Gore na OI će igrati protiv Njemačke, Francuske i Japana

Fiba je odredila sastave grupa za Olimpijske igre

20811 pregleda 59 reakcija 5 komentar(a)
Foto: FIBA
Foto: FIBA

Šampion svijeta Njemačka, domaćin i viceprvak sa posljednjih Igara Francuska i selekcija Japana biće rivali košarkaša Crne Gore ukoliko se momci Boška Radovića plasiraju na Olimpijske igre.

To je odlučeno na današnjem žrijebu koji je organizovala FIBA u švajcarskom Nionu.

A, da bi dočekali svjetla Pariza naši košarkaši moraće da preskoče svaku prepreku na Baltiku tokom predolimpijskog turnira.

Kvalifikacije su zakazane od 2. do 7. jula, a Bojan Dubljević i drugovi igraće u Rigi u grupi je sa Kamerunom i Brazilom. U drugoj grupi se nalaze Letonija, Gruzija i Filipini.

Po dvije selekcije iz grupe idu u polufinale, a pobjednik turnira u Pariz.

Osim u Letoniji kvalifikacioni turniri igraju se u Valensiji (Liban, Angola, Španija, Finska, Poljska, Bahami), San Huanu (Meksiko, Obala Slonovače, Litvanija, Italija, Portoriko, Bahrein) i Pireju (Slovenija, Novi Zeland, Hrvatska, Egipat, Grčka, Dominikanska Republika).

SASTAVI GRUPA, PARIZ 2024.

Grupa A: Australija, pobjednik kvalifikacinog turnira u Pireju, Kanada, pobjednik kvalifikacinog turnira u Valensiji.

Grupa B: Francuska, Njemačka, Japan, pobjednik kvalifikacionog turnira u Rigi.

Grupa C: Srbija, Južni Sudan, pobjednik kvalifikacionog turnira u Portoriku, SAD.

Bonus video: